Terrens Malik 30 noyabr 1943-cü ildə Texas ştatında (ABŞ) anadan olub. Üç qat "Oskar" mükafatı namizədi və "Qızıl Qlobus"un sahibidir. Amerikalı rejissor Terrens Malik Ostində (Texas) yeni filminin çəkilişlərinə başlayıb. “Austin City Limits” musiqi festivalına qatılan filmin heyəti "Bright Eyes", "Pretty Lights" və "Coldplay" qruplarının çıxışları vaxtı çəkilişlər aparıb. Filmdə aktyor Kristen Beylin də rol alması avqust ayından məlum olsa da, filmin adı və hazır olacağı vaxt hələ də açıqlanmayıb. Amerikalı rejissorun hazırda iki film üzərində işlədiyi deyilir. İkinci film “The Burial” adlanır və yaxın gələcəkdə tamaşaçı qarşısına çıxacağı ehtimal olunur. Terrens Malik 40 illik kino-karyerası ərzində dörd tammetrajlı film çəkib. Bunlardan ən son çəkilən “Həyat ağacı” filmi Kann Film Festivalının əsas mükafatını qazanıb.

Ətraflı məlumat üçün aşağıdakı linkə basın:
https://az.wikipedia.org/wiki/Terrens_Malik