Nikoletta Braski 19 aprel 1960-cı ildə İtaliyanın Çezena şəhərində anadan olub. Roma Dram sənəti Akademiyasında təhsil alıb. Məhz tələbəlik illərində gələcək əri və onu filmlərinə çəkən rejissor Roberto Benini ilə tanış olur (1980). Üç ildən sonra onların ilk birgə lenti olan “Sən məni narahat edirsən” filmi ekranlara çıxır. Daha sonra amerikalı kinorejissor Cim Carmuşanın çəkdiyi iki filmdə (“Qanundan kənar” və “Sirli qatar”) iştirak edir. Kinokaryerasının ən uğurlu filmi ərinin çəkdiyi “Həyat gözəldir” filmidir. Protoqonistin həyat yoldaşını oynayan Braski "ABŞ Kinoaktyorları Gildiyası"nın mükafatına namizəd olub. 2002-ci ildə Berlin Kinofestivalında münsiflər heyətinin üzvü olub.

Ətraflı məlumat üçün aşağıdakı linkə daxil olun:

https://en.wikipedia.org/wiki/Nicoletta_Braschi