Cezmi Baskın 11 mart 1949-cu ildə İstanbulda (Türkiyə) anadan olub. Cezmi Baskın teatr sənətinə Bakırköy Mədəniyyət Evində həvəskar kimi başlayıb. Daha sonra həmin teatrda özünü təcrübəçi kimi sınamağa davam edib. İstanbul İqtisadi və Ticarət Əlaqələri Akademiyasında təhsilini tamamlayan Cezmi Baskın Ayla Alqan və Beklan Alqanın dərs dedikləri "LCC Language and Culture Center"də teatr təhsili alıb. Dövlət teatrlarında çalışıb. Hərbi xidmətə getməsini və müvəqqəti yaşayış yerini dəyişməsini çıxmaq şərtilə uzun müddət Ankara teatrında əməyi olub. Səs-küylü yerlərdən uzaq, sakit və xüsusi dəyər verdiyi Bozcaadada evi olan Cezmi Baskın aktyorluqdan sonra qalan vaxtlarını İstanbuldan "qaçıb" oradakı üzüm bağlarında keçirməyi çox sevir. 2008-ci ildə "Akasiya durağı" serialında, 2015-ci ildə "Möcüzə" filmində rol alıb.

Ətraflı məlumat üçün aşağıdakı linkə basın:

https://tr.wikipedia.org/wiki/Cezmi_Bask%C4%B1n