Kamal  Həsən – hindistanlı aktyor, prodüser, ssenarist, rejissor, müğənni və şairdir. 7 noyabr 1954-cü ildə Hindistanın Tamilnad əyalətinin Paramakudi şəhərində anadan olub. Başlıca olaraq Kollivud filmlərinə çəkilir. Çoxsaylı kinomükafatların, o cümlədən dörd milli kinomükafatın, "Ən yaxşı kişi rolu" nominasiyasında Filmfare kinomükafatının laureatıdır. 1990-cı ildə "Padma Şri" dövlət mükafatına layiq görülüb. 2014-cü ildə isə ona Padma Bxuşan mükafatı təqdim olunub. 2016-cı ildə "İncəsənət və ədəbiyyat kavaleri" ordeni ilə təltif olunub. 2008-ci ildə “Dasavathaaram” adlı ilk müasir elmi-fantastik janrda olan filminə çəkilib və ssenarisini yazıb. Bu ekran əsəri böyük kommersiya uğuruna imza atıb. 2010-cu ildə “Unnaipol Oruvan” adlı filmi çıxıb. Filmin həm tamil, həm də teluqu dilli versiyaları kifayət qədər uğur qazanıb. 2013-ci ildə “Çoxsifətli” adlı filmi ekranlara yol tapıb.

Ətraflı məlumat üçün aşağıdakı linkə basın:

https://en.wikipedia.org/wiki/Kamal_Haasan