Rozalin Sançes Rodriqes – puerto-rikolu müğənni, nəğməkar şair, fotomodel, aktrisa, prodüser və ssenaristdir. Rozalin Sançes 2 aprel 1973-cü ildə Puerto-Rikonun San-Xuan şəhərində anadan olub. Atası marketinq mütəxəssisi, anası evdar xanım olub. Özündən böyük üç qardaşı olub. Məktəbi bitirdikdən sonra Puerto-Riko universitetinə daxil olub və marketinq ixtisası üzrə təhsil alıb. Ancaq üç ildən sonra təhsili yarımçıq buraxıb və ifa və rəqslə məşğul olmağa başlayıb. 1998-2001-ci illərdə aktyor Qeri Streçenlə evli olub. Daha sonra puerto-rikolu müğənni Viktor Manuellə yaxın münasibətlərdə olub. 2005-ci ildə onlar yollarını ayırıblar.2008-ci ildə aktyor Erik Vinterə ərə gedib. Cütlüyün bir qızı və bir oğlu var. Rozalin Sançes heyvan haqqları müdafiəçisi və PETA fəalıdır. 2008-ci ildə Fundación de Niños San Jorge fondunun mətbuat katibi seçilib. Adı çəkilm qurum xəstə uşaqlara və yoxsul ailələrə humanitar yardım göstərir.

Ətraflı məlumat üçün aşağıdakı linkə basın:
https://ru.wikipedia.org/wiki/%D0%A1%D0%B0%D0%BD%D1%87%D0%B5%D1%81,_%D0%A0%D0%BE%D0%B7%D0%B0%D0%BB%D0%B8%D0%BD