Seda Tosun 26 aprel 1990-cı ildə İstanbulda (Türkiyə) dünyaya göz açıb. Qarabuğdayı saçları və yaşıl gözlərilə ekranda tez bir zamanda diqqət çəkən Seda Tosun peşəkarlıq göstərmək bacarığına malik aktrisadır. Aydın Universitetinin dram aktyoru fakültəsinin məzunudur. Seda Tosun ilk dəfə 2008-ci ildə "Miss Turkey" müsabiqəsində ekrana çıxıb. Elə həmin il müsabiqənin finalçılarından olan Seda Meriç Aral, Çiçək Dəniz kimi peşəkar aktyorların da iştirak etdiyi “Bal ayı” filmində baş rollardan birini oynamaqla geniş tamaşaçı auditoriyası tərəfindən sevilməyə başlayıb. Aktrisa Mahsun Krımızıgülün ssenari müəllifi və rejissoru olduğu “Möcüzə” filmi üçün üç min kastinq iştirakçısı arasından seçilən aktrisalardan biri olub və Dəli Əziz personajının həyat yoldaşı Mizgin obrazını canlandırıb.