Nikolas Hemmond (ing. Nicholas Hammond) – amerikalı-avstraliya-britaniyalı aktyor və yazıçıdır. Daha çox “Musiqi sədaları” filmində Fridrix fon Trapp rolu və “Heyrətamiz hörümçək-adam” teleserialında hörümçək adam rolu ilə tanınır. Nikolas Hemmond 15 may 1950-ci ildə polkovnik Tomas Uest Hemmond və Eylin Hemmondun ailəsində anadan olub. Atası ABŞ ordusunun zabiti, anası britaniyalı aktrisa olub. Valideynləri atası Londonda ezamiyyətdə olan vaxt tanış olub və 1945-ci ildə iyulda ailə qurublar. Böyük qardaşı Devid 1946-cı ildə Parisdə dünyaya gəlib. Hemmondlar ailəsi ailə başçısının hərbi xidməti ilə əlaəqdar tez-tez ayrı-ayrı şəhərlərə köçməli olub. Polkovnik Tomas Hemmonda 1970-ci ildə vəfat edib. Hemmond “Çətin qadın” mini serialına və “Gizli kişi biznesi” telefilminə ssenari yazıb. 2009-cu ildə “Yaramaz tısbağa” pyesinin rejissoru kimi debüt edib. 2019-cu ildə Kventin Tarantinonun “Bir dəfə Hollivudda” filmində rejissor Sem Uonameyker rolunu oynayıb.

Ətraflı məlumat üçün aşağıdakı linkə basın:
https://ru.wikipedia.org/wiki/%D0%A5%D1%8D%D0%BC%D0%BC%D0%BE%D0%BD%D0%B4,_%D0%9D%D0%B8%D0%BA%D0%BE%D0%BB%D0%B0%D1%81_(%D0%B0%D0%BA%D1%82%D1%91%D1%80)